Thursday, November 22, 2007

ထိုင်းရောက်ရွှေများ

ဗိုလ်ချုပ်အောင်ဆန်းရဲ့စကားအတိုင်း မြန်မာတို့ရဲ့ ဒုတိယအိမ်ဖြစ်တဲ့ ထိုင်းနိုင်ငံရဲ့ နေရာအနှံ့အပြားမှာ ရွှေမြန်မာပေါင်း လူဦးရေ (၂)သန်းကျော် တရားဝင်ရော၊ တရားမ၀င်ပါ ရောက်ရှိနေထိုင် အလုပ်လုပ်ကိုင် နေကြရာ အများစု နေထိုင်ကြတဲ့ နေရာများနှင့် လုပ်ကိုင်ရာ အလုပ်အကိုင် များကတော့ အောက်ပါ အတိုင်း ဖြစ်ပါတယ်။
၁. မဲဆောက်နှင့်ဝန်းကျင် (အလုပ်မျိုးစုံနှင့်အထည်ချုပ်လုပ်ငန်း) မြန်မာ၅သိန်းခန့်
၂. ဖန်ငနှင့်ဝန်းကျင် (ရေနှင့် တံငါလုပ်ငန်း) မြန်မာ၅သိန်းခန့်
၃. စမွန်စခွန် (ရေနှင့် တံငါလုပ်ငန်း) မြန်မာနှစ်သိန်းခန့်
၎. နခွန်ပသွန် (၀က်မွေးမြူရေးနှင့် အလုပ်မျိုးစုံ)
၅. ချင်းမိုင် (အလုပ်ပေါင်းစုံ)
၆. နခွန်စီသမရတ် (စိုက်ပျိုးရေး)
၇. ထိုင်းတောင်ဖျားပိုင်း (ရေနှင့် တံငါလုပ်ငန်း)စသည်တို့ဖြစ်ပါတယ်။

နယ်စပ်ကခိုးဝင်လာစဉ် အသက်ရှုကြပ်ကာ လမ်းမှာ သေဆုံးကြလို့ လောင်စာဆီ လောင်း ပြီး မီးရှို့ခံရတဲ့၊ ထိုင်းတောင်ပိုင်း မလေးရှား နယ်စပ်က အညိုရောင် နယ်မြေမှာ လုပ်အားခငွေ ရှင်းမပေးချင်တဲ့ ယုတ်မာ ပက်စက်တဲ့ လုပ်ငန်းရှင် တချို့ရဲ့ ငါးအသား လွှာစက် တွေထဲကို အရှင် လတ်လတ် ထည့်သတ် ခံရတဲ့၊ လော နှင့် ကမ္ဘောဒီးယား နိုင်ငံသား တချို့နဲ့ အတူ အလောင်း ၃၀၀ ကျော် အစုလိုက် အပြုံလိုက် တွေ့ရ တဲ့ အထဲမှာ ပါဝင် သွားခဲ့တဲ့ ကံဆိုးရှာသူ ရွှေမြန်မာ များရဲ့သတင်း ကတော့ တဖြည်းဖြည်းနဲ့ မထူးဆန်း တော့တဲ့ သတင်း ဖြစ် လာနေတာ တာဝန် ရှိသူများရဲ့ တာဝန်အပေါ် အဓိပ္ပာယ် ဖွင့်ဆိုမှု လွဲမှားမှု ကြောင့် ဖြစ်ပါလိမ့်မယ်။

တရားမ၀င် လာရောက်ခဲ့ကြသူများဖြစ်လို့တရားဥပဒေရဲ့အရိပ် အာဝါသကို ခိုလှုံခွင့် မရကြတဲ့၊ မတရားမှု မှန်သမျှကို ခါးစည်း ခံနေ ကြရ ရှာတဲ့၊ လူ့အခွင့်အရေးနှင့် အလုပ်သမား အခွင့်အရေး ဆိုတာကို လူသား အရေး အဖြစ် သဘော မပေါက် ကြရှာပဲ နိုင်ငံရေး အဖြစ် မြင်ကာ ကိုယ်ပိုင် အခွင့် အရေးကို တောင်းဆိုဖို့ ကိုတောင် နိုင်ငံရေး သမား လို့အထင် ခံရမှာ ကြောက်လို့ မပြောရဲ ရှာသူ မြန်မာ အလုပ် သမား များရဲ့ ဘ၀ ဟာ သူတပါး ခေါင်းပုံ ဖြတ်တာ ခံရဖို့ အတွက် လူလာဖြစ် နေကြ ရသလို ပါပဲ။
စမွန်စခွန်ကရွှေများကတော့ လောလောဆယ်ကြုံတွေ့နေရတဲ့ လုယက်မှု ပြဿနာ နှစ်ခုကို ရင်ဆိုင် နေကြ ရပါ တယ်။ မျောက်ဂိုဏ်းနဲ့လမ်းသရဲ ဂိုဏ်း နှစ်ခုကြောင့် အလုပ် သွားရာ မှာတောင် အုပ်စု နဲ့သာ သွားလာ ရဲ တယ် လို့ ရွှေတစ်ယောက်က ပြောပါတယ်။ စမွန်စခွန်ဟာ မူလက တံငါရွာ မျှသာ ဖြစ်ပြီး အခု ငါးကို နိုင်ငံ တကာ ကိုတင်ပို့ ရာ ငါးလုပ်ငန်းမြို့ အဖြစ် တိုးချဲ့ မှုကြောင့် မူလ ကြီးစိုးရာ မျောက်များ စားကျက်နဲ့ နေရာ ပျောက်ကာ မြို့ပြင်နဲ့ နီးစပ်ရာ မြေလွတ် များမှာ နေထိုင်ရင်း လမ်းသွား လမ်းလာများ စားစရာကိုင်ဆောင် လာပါက အုပ်စုလိုက် ထွက် ကာ လုယက်ကြပါတယ်။ ရွှေများ ဟာလည်း အခန်း ငှားခ သက်သာရာ မြို့ပြင် များမှာ နေထိုင်မှု များတဲ့ အတွက် ရွှေနဲ့မျောက် ပြဿနာတက် ကြတာ ဖြစ်ပါတယ်။

လမ်းသရဲဂိုဏ်းကတော့ ဆိုးသွမ်းထိုင်းလူငယ်များကမြေနိမ့်ရာ လှံစိုက်ကာ ငုံ့ခံကြမယ့်ရွှေများကို အနိုင် ကျင့် လုယက်ကြတာဖြစ်ပါတယ်။ မြွေပူရာ ကင်းမှောင့်ဆိုသလို အသားထဲက လောက်ထွက်တဲ့ ပြဿနာ ကတော့ အမှုပွဲစားဖြစ်ပါတယ်။ ထိုင်းရဲက ဖမ်းဆီးငွေညှစ်တာခံရပြီးရင် ဆက်လက်ပြီးတရားမ၀င် အလုပ် လုပ်တာ ရွှေများ အတွက် ရိုးနေတဲ့ ဖြစ်စဉ်ပါ။ သည်လိုအခြေအနေမှာ လူသစ် သည်နယ်မြေထဲကို ၀င်လာ ရင် ကိုယ့်လူမျိုး အချင်းချင်း ကိုမျက်နှာ မထောက်၊ ထိုင်းရဲကို လက်ထောက်ချ၊ ပြီးရင် ထိုင်းရဲဆီက ပွဲစားခ ပြန်တောင်း ယူတာကို အမှုပွဲစား လို့ခေါ်ပြီး ထိုလူ များကို ထိုင်းရဲက လက်သပ် မွေးထား ပါတယ်။
သည်လိုအခြေအနေတွေထဲမှာ အလုပ်လုပ်ပြီးရှာရသမျှငွေကို အိမ်ပြန် ပို့ရာက အလုပ်ခွင် ထဲမှာ ထိခိုက် တဲ့အခါ ရောဂါ စွဲတဲ့ အခါ အလုပ် မလုပ်နိုင် ဆေးကုဖို့ ငွေမကျန် ဖြစ်ကြသူ များကို ၂၀၀၄ ခုနှစ်မှာ စတင် တည်ထောင် ခဲ့တဲ့ ရင်ငြိမ်းပန်း ကရုဏာ ဖောင်ဒေးရှင်းက ဆေးကုသ စရိတ် ထောက်ပံ့ ပေးနေပါတယ်။ သေအံ့ မူးမူး လူမမာများ မြန်မာ ပြည်သို့ ပြန်လိုပြီး လမ်းစရိတ် မရှိသူများ၊ မတော်တဆ သေဆုံး ကြသူ များရဲ့ ဈာပန များ၊ အလောင်းကို မြန်မာပြည်သို့ ပြန်သယ် လိုသူ များအတွက် စားရိတ် များကိုလည်း ထောက်ပံ့ ပေးကြ ပါသည်။ မည်သည့်အသင်းအဖွဲ့ကမှ ထောက်ပံ့ကြေး မရ နိုင်ကြ ရှာတဲ့ တရားမ၀င် အလုပ်သမား များ တစ်ရက် တစ်ဘတ်နှုံးနဲ့ တလဘတ်၃၀ ထည့်ဝင် လှူဒါန်းငွေ များကို မတည်ပြီး တည်ထောင် ထားရတဲ့ သည် အသင်းလေး ကိုသာ အားကိုး အားထား ပြုနေ ကြရ ရှာတဲ့ ရွှေများရဲ့ ကျန်းမာရေး အတွက် အကူအညီ ပေးလိုပါက ရင်ငြိမ်းပန်း ကရုဏာ ဖောင်ဒေးရှင်း http://yinnyeinpann-passion.blogspot.com/ ကိုဆက်သွယ် နိုင်ကြကြောင်း တင်ပြလိုက် ရပါတယ်။

No comments: